Բելառուսի նախագահ Ալեքսանդր Լուկաշենկոն որոշում է ընդունել կառավարության գործող կազմը ցրելու մասին, հաղորդում է Բելթան:

Ավելի վաղ Լուկաշենկոն հանդիպում է անցկացրել, որի ժամանակ հայտարարել է, որ չի պատրաստվում արմատապես փոխել նախարարների կաբինետի կազմը: Նա նշել է, որ նրանք, ովքեր տնտեսական ճգնաժամի ժամանակ չեն կարողացել կատարել իրենց աշխատանքը, պետք է կառավարությունից ուղարկվեն մեկ այլ աշխատանքի: Թե ում մասին է խոսքը, Լուկաշենկոն չի հստակեցրել:

Նոր կազմի ընտրման վերաբերյալ առաջարկները կքննարկվեն հունիսի 3-ին Բելառուսի նախագահի մոտ խորհրդակցության ժամանակ: