Առողջապահության համաշխարհային կազմակերպության (ԱՀԿ) արտակարգ իրավիճակների ծրագրի տնօրեն Մայքլ Ռայանը հայտարարել է, որ ամբողջ աշխարհում այժմ մշակվում է կորոնավիրուսի դեմ 133 պատվաստանյութ, հաղորդում է Reuters-ը: «Կա պատվաստանյութի 133 նմուշ, որոնց մեծ մասը գտնվում է կլինիկական փորձարկումների փուլում»,- ասել է Ռայանը: Նա հույս է հայտնել, որ պատվաստանյութերի գոնե մի փոքր մասը հավանություն կստանա օգտագործման համար: Նրա խոսքով՝ առանց պատվաստանյութի մշակման, համավարակը հաղթահարելու միակ միջոցը կլինի վարակի տարածման շղթաների անջատումը։