Մեկնարկեց ՀՀ ԱԳ նախարար Զոհրաբ Մնացականյանի պաշտոնական այցը Մոսկվա:
Այս մասին իր ֆեյսբուքյան էջում հայտնել է ԱԳՆ մամուլի խոսնակ Աննա Նաղդալյանը։
Հիշեցնենք, որ այսօր՝ ժամը 13.00-ին Մոսկվայում տեղի է ունենալու Հայաստանի և Ռուսաստանի Դաշնության արտգործնախարարներ Զոհրաբ Մնացականյանի և Սերգեյ Լավրովի հանդիպումը։

Հանդիպումից հետո արտգործնախարարները հանդես կգան համատեղ ասուլիսով։

Թեև այցը ՀՀ արտգործնախարարի կողմից պլանավորված էր նախքան պատերազմի վերսկսվելը, սակայն քննարկման հիմնական թեման ղարաբաղյան խնդրի կարգավորումն է լինելու։