Մենք հատուկ պատասխանատվություն ենք զգում Լեռնային Ղարաբաղի հակամարտության կարգավորման համար, սակայն մեզ պետք է և ԱՄՆ-ի, և Եվրոպայի երկրների աջակցությունը: Այս մասին այսօր հայտարարել է ՌԴ նախագահ Վլադիմիր Պուտինը:

Անդրադառնալով ԵԱՀԿ ՄԽ ձևաչափը փոփոխելու վերաբերյալ քննարկումներին՝ Պուտինը նշել է.

«Պե՞տք է արդյոք փոխել ԼՂ խնդրի կարգավորմամբ զբաղվող ԵԱՀԿ Մինսկի խմբի ձևաչափը: Ես այդ հարցի պատասխանը չունեմ: Հնարավոր է՝ կարելի է մի փոքր փոխել այդ ձևաչափը, բայց պետք է գտնել բոլորի համար ընդունելի տարբերակ»: