Մեկ օրում Լեռնային Ղարաբաղ է վերադարձել 2334 բնակիչ, ընդհանուր առմամբ, խաղաղապահների ուղեկցությամբ ԼՂ է վերադարձել նախկինում տեղահանված ավելի քան 11 000 քաղաքացի։ Այս մասին հայտնել է Ռուսաստանի պաշտպանության նախարարության պաշտոնական ներկայացուցիչ Իգոր Կոնաշենկովը։

 «Ռուս խաղապահների միջոցով ապահովվում է բնակիչների անվտանգ վերադարձը: Հայաստանի տարածքից մեկ օրում Լեռնային Ղարաբաղ է վերադարձել 2334 բնակիչ, որոնք ավելի վաղ մարտական գործողությունների հետևանքով լքել էին իրենց տները: 2020 թվականի նոյեմբերի 14-ից ռուս խաղաղապահների օգնությամբ Լեռնային Ղարաբաղ է արդեն վերադարձել ավելի քան 11 000 բնակիչ»,- Ռիա Նովոստիի հաղորդմամբ` նշել է նա: