Ապրիլի 8-ից մեկնարկել է Հայաստանի Մարդկային Ռեսուրսների Ասոցիացիայի և Ֆիլիպ Մորրիս Արմենիա ընկերության հետ համատեղ «ԳործON» նախագծի երկրորդ փուլը։

Նախագիծը հնարավորությունների նորարարական հարթակ է, որը ստեղծվել է 2020 թվականին։ Վերջինիս նպատակն է հնարավորություն ստեղծել այն մարդկանց համար, որոնք ցանկանում են իրենց տեղը գտնել աշխատաշուկայում և հնարավորություն տալ գործատուներին, որ վերջիններս գտնեն համապատասխան աշխատակիցներ։ Բոլոր հետաքրքրվածները հնարավորություն են ստացել ծանոթանալու Հայաստանի առաջատար ընկերություններում աշխատելու համար պահանջվող հմտություններին և գիտելիքներին, ինչպես նաև կարող են մասնակցել ԳործON-ի մասնագիտական վեբինարներին և դիմել կայքում ներկայացված թափուր հաստիքներին՝ ստանալով պրակտիկա կամ աշխատանք։

Հաջորդ վեբինարը, որը տեղի կունենա Մայիսի 8-ին հաճախորդների սպասարկման մասին է, մասնավորապես՝

• Անցում դեպի հաճախորդամետ մոտեցում

• Հաճախորդամետ աշխատակից. ինչպիսի՞ն է նա

• Գերազանցություն հաճախորդների սպասարկման մեջ

Ինչու՞ գրանցվել․

Շուկայական նոր պայմաններում ընկերությունների համար օրեցօր ավելի կարևոր է դառնում հաճախորդամետ և սպասարկման գերազանց հմտություններ ունեցող աշխատակիցների ներգրավումը: Սպասարկումը հաճախորդների հավատարմության որոշիչ գործոններից է: Հաճախորդների փորձառությունը առաջնահերթություն համարող ընկերությունների 80%-ն ունենում է էական եկամուտների աճ։ ԳործON-ի անվճար Վեբինար 2. Customer Care-ի ընթացքում հաճախորդների սպասարկման ոլորտի չորս փորձագետ կկիսվեն ոլորտում իրենց ունեցած փորձով և գիտելիքներով:

Վեբինարի 1-ին փուլում թեմայի կարևոր խնդիրներին և դրանց լուծումներին կանդրադառնան IQOS պաշտոնական վաճառակետերի սպասարկման և վաճառքի ղեկավար Լիլիթ Վարդանյանը և IQOS հաճախորդների սպասարկման ու փորձառության պատասխանատու Դավիթ Վարդանյանը

Վեբինար 2. Customer Care-ի շրջանակներում: 2-րդ փուլի խոսնակն է գործարար, Comma Hub-ի հիմնադիր և գործադիր տնօրեն, մարքեթինգի և հաղորդակցության փորձագետ Էլիսսար Հաջ Զարվին, ով ունի ավելի քան 25 տարվա փորձ Մերձավոր Արևելքի և Լիբանանի մասնավոր ու պետական հատվածի առաջատար հաստատությունների համար ռազմավարական ինտեգրված մարքեթինգային հաղորդակցության մշակման մեջ:

«Գերազանցություն հաճախորդների սպասարկման մեջ» թեմայով իր ինտերակտիվ ելույթի ընթացքում Էլիսսարը կօգնի բարելավել մասնակիցների հաճախորդների սպասարկման ունակությունները  և կտա արդյունավետ ու օգտակար խորհուրդներ բոլոր տեսակի հաճախորդների սպասարկման համար:

3-րդ փուլը կներկայացնի Customer Care-ի չորրորդ խոսնակ Տատյանա Պետրուխան։ Տատյանան ունի 15 և ավելի տարիների փորձ հաճախորդների սպասարկման ոլորտում: Ուկրաինական EVOLVE ընկերության հիմնադիր տնօրենն է և Service Quality Institute-ի կողմից սերտիֆիկացված թրեյներ: Վեբինարին Տատյանան կխոսի «Հաճախորդամետ աշխատակից. ինչպիսի՞ն է նա» թեմայով ու մասնակիցների հետ միասին կպարզի աշխատակցի դերը հաճախորդամետ ընկերությունում, սպասարկման հիմնական սկզբունքները, հաճախորդամետ ընկերության աշխատակցի ամենակարևոր հմտություններ։

Ինչպե՞ս միանալ ծրագրին․

Հայաստանի Մարդկային Ռեսուրսների Ասոցիացիան ու Ֆիլիպ Մորրիսն ապահովում են առցանց հարթակ՝ gortson.am վեբ կայք, որը համախմբում է աջակցող անհատներին ու ընկերություններին։ Ծրագրին միանալու համար մասնակիցներին բավարար է առցանց գրանցվել՝ լրացնելով ձևաթուղթը և հետևելով ծրագրի կազմակերպիչների հաղորդագրություններին։ Նախագծի մասին տեղեկություններին նաև կարող եք հետևել ԳործOn ֆեյսբուքյան էջում։