Ղրղզստանը «Ճամփորդում եմ առանց COVID-19-ի» հավելվածի ներբեռնումների թվով զբաղեցրել է առաջին տեղը, իսկ Հայաստանը՝ երրորդ: Այս մասին հոկտեմբերի 19-ին Մոսկվա-Բիշքեկ-Երեւան -Մինսկ- Նուր-Սուլթան տեսակամուրջի ժամանակ հայտարարել է Եվրասիական զարգացման բանկի խորհրդի փոխնախագահ Տիգրան Սարգսյանը:

Եվրասիական զարգացման բանկի խորհրդի նախագահի խոսքով՝ հավելվածի օգտագործողների թիվը, գործարկվելուց ի վեր, գերազանցել է մեկ միլիոն մարդու նշագիծը: «Մեր ծրագրի ներբեռնումների թվով առաջին տեղը զբաղեցրել է Ղրղզստանը:

Այնտեղ մեր ծրագրից արդեն օգտվել է մոտ 400 հազար մարդ: Հետեւաբար, պատահական չէ, որ մեր ծրագրի միլիոներորդ օգտատերը նույնպես այս երկրի բնակիչ է: Երկրորդ տեղը զբաղեցրել է Բելառուսը, իսկ երրորդը' Հայաստանը», - ասել է Սարգսյանը: