Վարչապետ Նիկոլ Փաշինյանը բացատրել է, թե որն է Ադրբեջանի նպատակը, երբ ապատեղեկատվություն է տարածում, թե երեկ ՀՀ-ն օգտագործել է իրանական ԱԹՍ-ներ։

«Ապատեղեկատվության նպատակը հետևյալն է՝ տեսեք, Եվրամիությո՛ւն, դուք Հայաստան դիտորդներ եք ուղարկել, իսկ ՀՀ-ն Ադրբեջանի դեմ օգտագործում է մի զինատեսակ, որի հետ կապված դուք բոլորդ ունեք պրոբլեմներ», - ասաց նա։

Փաշինյանը հիշեցրեց՝ 2022 թվականի փետրվարին կամ մարտին նույն տեղեկատվական աղբյուրները պնդում էին, թե ՀՀ «Սու30ՍՄ» ինքնաթիռները ուղարկվել են՝ օգատգործելու Ուկրաինայի դեմ:

«Դա սադրանքի անբաժանելի մասն է, այլ բան, որ մենք պետք է տեղեկատվական պատերազմներին, հարձակումներին հակազդելու մեր ինստիտուտցիոնալ գործիքակազմը ուժեղացնենք», - նշեց վարչապետը: