Եվրամիության դիվանագիտական հարցերով ղեկավար Քեթրին Էշթոնը մոտ 2 ժամ շարունակ զրուցել է Եգիպտոսի նախագահ Մուհամմեդ Մուրսիի հետ. գրում է AFP-ն' հղում կատարելով Էշթոնի անձնական ներկայացուցիչ Մայկո Կոսյանիչին:
Ավելի վաղ հայտնի էր դարձել, որ Էշթոնը երեքշաբթի օրը Կահիրեից ուղղաթիռով ուղևորվել է կալանքի տակ գտնվող Մուրսիին տեսակցելու:
Թե կոնկրետ որտեղ է տեղի ունեցել հանդիպումը, չի հստակեցվում:
Էշթոնը երկուշաբթի օրվանից բանակցություններ է վարում Կահիրեում եգիպտական նոր իշխանությունների հետ:
Հիշեցնենք, որ Մուհամմեդ Մուրսին եգիպտական զինվորականության կողմից հեռացվել էր իշխանությունից հուլիսի 3-ին զանգվածային դժգոհությունների ֆոնի վրա:
