Հայաստանը պատրաստվում է անդամագրվել Մաքսային միությանը և մասնակցություն ունենալ Եվրասիական տնտեսական միության ձևավորմանը. ըստ РИА Новости-ի' այս մասին այսօր համատեղ հայտարարություն են արել ՌԴ և ՀՀ նախագահները:

Սարգսյանի այս որոշումը Պուտինի կողմից հավանության է արժանացել, եւ վերջինս պատրաստակամություն է հայտնել աջակցել Հայաստանին այս հարցում:

«Հայաստանի Հանրապետության նախագահ Սերժ Սարգսյանը հայտարարել է, որ իր երկիրը ցանկանում է անդամակցել Մաքսային միությանը և այդ նպատակի համար անհրաժեշտ գործնական քայլեր կատարել, այնուհետև' մասնակցել Եվրասիական տնտեսական միության ձևավորմանը»,- ասվում է երկու երկրների նախագահների համատեղ հայտարարության տեքստում: