Ինչպես հայտնում է Ազատություն ռադիոկայանը, Ֆրանսիա կատարած աշխատանքային այցի ընթացքում Փարիզում հանրահայտ ֆրանսահայ երգիչն ու Շվեյցարիայում Հայաստանի դեսպանը Սարգսյանին ասել է, որ Հայաստանը պետք է ընդունի դավանափոխ հայերին: Խոսքը մահմեդականացած հայերի մասին է: Այդ թեմային Շառլ Ազնավուրն անդրադարձել էր Սարգսյանի այցից օրեր առաջ եվրոպական պարբերականներից մեկին տված հարցազրույցում, ասելով, թե տարիներ առաջ խոսել է Հայաստանի իշխանության հետ այդ թեմայով, սակայն անցել է ժամանակ, իսկ առաջընթաց չկա:
Շառլ Ազնավուրի բարձրացրած թեման իսկապես հետաքրքիր է: Աշխարհում մահմեդականացած հայերի թիվն ըստ մոտավոր հաշվարկների 1 միլիոն է: Թե նրանցից ինչքանն է ցանկանում գալ Հայաստան՝ պարզ չէ: Բայց, ըստ ամենայնի, ցանկությունը մեծ է, եթե Շառլ Ազնավուրը հրապարակավ բարձրացնում է այդ հարցը: Այլապես ինչու նա պետք է հարցը դարձներ Հայաստանի իշխանության հետ քննարկման թեմա:
Ինքնին հասկանալի է, որ իրավիճակը բավական նուրբ է: Հատկապես այն դեպքում, երբ նույն այդ իշխանությունը փորձում է հայի ինքնության չափանիշ դարձնել Հայ Առաքելական եկեղեցին: Հայաստանի իշխանությունն ընդունու՞մ է արդյոք, որ մահմեդական հայերը եւս հայեր են: Սերժ Սարգսյանը 2008 թվականին ստանձնելով նախագահի պաշտոնը, իր արտերկրյա ելույթներից մեկում անդրադարձել էր այդ թեմային եւ հայտարարել, որ մահմեդականացած հայերն էլ մեր հայրենակիցներն են:
Բայց, այդ օրերին Սերժ Սարգսյանը չափազանց նեղ վիճակում էր, Մարտի 1-ից հետո ներքին ու արտաքին չափազանց մեծ ճնշման տակ, եւ փորձում էր այդ ամենը հաղթահարել, դրան հակազդել լայնախոհության «ռեկորդներով»: Հիմա Սերժ Սարգսյանի նպատակները շատ ավելի են նեղացել, եւ մահմեդականացած հայերի խնդիրը հավանաբար մղվել է հետին պլան:
Շառլ Ազնավուրը սակայն հիշեցնում է խնդրի գոյության մասին: Ընդ որում, մի ժամանակահատվածում, երբ Հայաստանում հավաքվեց Եպիսկոպոսաց պատմական ժողովն ու ընդունեց Մկրտության միասնական կարգի եւ սրբադասման մասին տիեզերական որոշումները: Հավանաբար դրանք այնքան էլ չեն ցնցել ժամանակակից աշխարհում շատ բան տեսած մեծանուն երգչին, եւ նա առաջարկում է ցեղասպանության զոհերի սրբադասման կարեւոր խնդրի կողքին չմոռանալ հայերի, որոնք եւս ինչ որ առումով ցեղասպանության զոհ են, սակայն ողջ են, ապրում են, գոյություն ունեն եւ հավանաբար ունեն Հայաստանի վերաբերմունքի կարիք:
Իսկ Հայաստանն ունի՞ նրանց կարիքը: Այս հարցի պատասխանը կարծես թե չկա թե իշխանական, թե հասարակական մակարդակում: Այս հարցը երեւի չի էլ կարեւորվում, մինչդեռ մեծ վերաձեւման փուլ մտած աշխարհում շատ դժվար է ասել, թե Հայաստանի Հանրապետությունը երբ ստիպված կլինի արդեն միանգամայն կոնկրետ անդրադառնալ մահմեդականացած հայերի խնդրին՝ կամ ճանաչել նրանց, կամ հրաժարվել նրանցից: Բայց որ ստիպված կլինի՝ երեւի թե հաստատ: Ազնավուրն առաջարկում է պետական ու հասարակական մակարդակում մտածել այդ մասին եւ պատրաստվել դրան՝ պատրաստվել պատասխանատվության, ոչ թե հրաժարումի:
Ինչ է առաջարկել Ազնավուրը Սերժ Սարգսյանին
21:25 - 3.Հոկտեմբեր.2013
Առաջարկում ենք նաև
21/08/23 09:34
«Զակազչիկներին» ասեք՝ իշխանությունը ճամպրուկ չէր, որ 2008-ին փոխանցեին Սերժ Սարգսյանին. Էդուարդ Շարմազանով
11/08/23 10:00
Ադրբեջանական իշխանության դառը հիշողությունները․ շարունակում են թիրախավորել Սերժ Սարգսյանին
20/04/22 00:31
Նիկոլ Փաշինյանը «շրջանցեց» Սերժ Սարգսյանին
27/12/21 14:02
Եկեք Սերժ Սարգսյանին հանգիստ թողնենք. նպատակ չունեմ մեկնաբանելու՝ ով ինչ է արել․ Քոչարյանը՝ լրագրողին
04/10/21 19:33
Ալիևը Սերժ Սարգսյանին հրավիրել է Մատաղիս
11/11/20 17:26
ԱԱԾ-ն անորոշ ժամանակով հետաձգել է իր հրավերը Սերժ Սարգսյանին
03/09/20 10:01
«Հրապարակ». «Սերժ Սարգսյանին չենք հանդիպել»
09/03/20 12:29
Սերժ Սարգսյանին ցանկանում եմ շուրջերկրյա ճամփորդություն, քանի դեռ դրա հնարավորությունն ունի․ Սիսակ Գաբրիելյան (տեսանյութ)
Ամենադիտված
Լրահոս
11:50
Եկել է քննադատված ու զրպարտված նախկիններ-ի կառավարման տարիներին երանի տալու ժամանակը․ Արտակ Զաքարյան
09:57
«Կենսուրախ էր, խղճով, խելացի ու հայրենասեր». Արեն Մալաքյանն անմահացել է 2022 թ. սեպտեմբերի 13-ին Սոթքի զորամասի պայթյունի ժամանակ. «Փաստ»
09:43
Պատվավոր հյուպատոսների տրանսպորտային միջոցներին հատկացվելու են «H» տառը պարունակող կարմիր հիմնագույնի համարանիշեր. «Փաստ»
09:04
«Հրապարակ». Որքան են վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար
16:20
Երկարաձգվել է արտադպրոցական հաստատությունների մանկավարժական աշխատողների կամավոր ատեստավորման հայտերի ընդունման ժամկետը
13:42
Կարճաժամկետ գործոնով պայմանավորված՝ 2024թ. փետրվարի տնտեսական ակտիվության աճը կտրուկ արագացել է. «ԼՈՒՅՍ» հիմնադրամ
13:40
Ոստիկանության Նոր Նորքի բաժնում ահաբեկչության վերաբերյալ վարույթով ձերբակալված երեք անձանցից երկուսը կալանավորվել են
09:43
«Ժողովուրդ». Ներքին խմբում գրված հայհոյանքներին «լայք» դնելու համար դատավորը հեռացավ համակարգից
09:30
«Ժողովուրդ». Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189
08:58
«Ժողովուրդ». Վարդան Օսկանյանը արցախցիների հետվերադարձի վերաբերյալ բանակցություններ է վարում Եվրոպայում և ԱՄՆ-ում
07:55
«Ժողովուրդ». «Ճանապարհային դեպարտամենտ»-ի 2 հարկի վերանորոգման համար ծախսվել է 55 մլն դրամ, իսկ ճանապարհների վրա՝ 0