Ilur.am Սերժ Սարգսյանն այսօր այցելել է սոցապ նախարարություն' խորհրդակցության: Նախարարությունում մեր հավաստի աղբյուրները տեղեկացնում են, որ Սարգսյանի այցը կաթվածահար է արել նախարարության աշխատանքը:

 

Նախ` Սարգսյանին ուղեկցող ավտոշարասյունը խցանում է առաջացրել հարակից փողոցներում, ապա' վարժեցրած շների ուղեկցությամբ ստուգել են նախարարության բոլոր սենյակները: Այնուհետեւ նախարարության բոլոր աշխատակիցներին խիստ կարգադրություն է տրվել' շուրջ երեք ժամվա ընթացքում դուրս չգալ սենյակներից: Իսկ այս ամենի կուլմինացիան վրա է հասել այն ժամանակ, երբ նախարարության տարեց աշխատակցուհիներից մեկի ինքնազգացողությունը վատացել է, իսկ Սարգսյանի անվտանգության աշխատակիցները կանչով ժամանած շտապօգնության աշխատակիցներին թույլ չեն տվել բարձրանալ եւ առաջին բժշկական օգնություն ցուցաբերել նրան: