Բրիտանական ոստիկանությունը ձերբակալել է 31-ամյա սերիական մարդսապան Ջոանա Դենեհին, ով 10 օրվա ընթացքում սպանել է 3 տղամարդ:
Կինը, ում սպասվում է 40 տարուց մինչև ցմահ ազատազրկում, դատարանում իրեն պահել է հանդուգն և ծիծաղել է: Նա հայտնել է, որ իր զոհերին սպանել է՝ զվարճանալու համար: Այս մասին հայտնում է «Mirror»-ը:
Ջոանան պատմել է, որ ինքը ցանկացել է նմանվել դերասանուհի Ումա Թուրմանին, ով խաղացել է «Սպանել Բիլին» ֆիլմում, ինչպես նաև՝ «Տեմինատոր» ֆիլմի դերասանուհուն:
Բացի երեք սպանություններից' կնոջը մեղադրանք է առաջադրվել նաև երկու անցորդների դանակահարության համար: Նա հարձակվել է նրանց վրա նախորդ տարի գարնանը:
Կնոջ զոհերից մեկը հենց նրա ամուսինն է եղել՝ 48-ամյա Կևինը, ում հետ ամուսնացել էր սպանելուց ոչ շատ առաջ: Տղամարդը նախորդ ամուսնությունից ունեցել է երկու երեխա:
Կնոջ փաստաբանի հայտարարությամբ բոլոր դանակահարված տղամարդիկ եղել են նրա ծանոթները:
Որքան էլ տարօրինակ է բրիտանուհին, ով փորձել է նմանակել ֆիլմի ուժեղ հերոսներին, ունեցել է հանցակիցներ:
Նախկինում դատապարտված երկու անձինք օգնել են մասնատել տղամարդկանց մարմինները: Կնոջ մեղսակիցներից ևս մեկը դեռևս սպասում է դատավարության:
Լրագրողները մարդասպան կնոջը կոչում են հոգեկան հիվանդ, սակայն այդ հարցի վերաբերյալ բժշկական հանձնաժողովի որոշումը դեռևս չի հրապարակվել:
«Փաստինֆո»