«Լիվերպուլի» և Ուրուգվայի հավաքականի ֆուտբոլիստ Լուիս Սուարեսը պաշտոնապես կարիերան կշարունակի «Բարսելոնայում»: Այս մասին տեղեկացնում է «կապտանռնագույնների» պաշտոնական կայքը:
Հաջորդ շաբաթ 27-ամյա ֆուտբոլիստը բժզննում կանցնի կատալոնյան ակումբում, կկնքի 5 տարվա պայմանագիր և կներկայացվի որպես կատալոնյան ակումբի ֆուտբոլիստ:
Daily Mail-ի տեղեկություններով՝ տրանսֆերն արժեցել է 75 մլն ֆունտ:
Անցյալ մրցաշրջանում Անգլիայի առաջնությունում Սուարեսը 33 խաղում հեղինակել է 31 գոլ:
Հիշեցնենք, որ Աշխարհի առաջնությունում Իտալիայի դեմ խաղում Կելինիին կծելու համար ուրուգվայցին որակազրկվել է 4 ամսով:
Ֆուտբոլիստը ակումբում կկրի 10 համարի մարզաշապիկը:
