Հարավկորեացի փրկարարները կնոջ մարմին են հանել խորտակված «Սևոլ» լաստանավի ճաշարանից: Այսպիսով, զոհերի թիվը հասել է 294-ի, տեղեկացնում է «Արմենպրես»-ը՝ հղում անելով BBC-ին:
476 ուղևորների փոխադրող «Սևոլը», որոնց մեծ մասը դպրոցականներ էին, խորտակվել է ապրիլի 16-ին Հարավային Կորեայի ափերի մոտ: Մինչ այժմ 20 մարդ համարվում է անհայտ կորած:
Ողբերգության գլխավոր պատճառը համարում են պաշտոնատար անձանց անփութությունը և կոռուպցիան:
Լաստանավի հրամանատարի և անձնակազմի 14 անդամների նկատմամբ դատավարությունը շարունակվում է:
