Ռուսաստանի արտակարգ իրավիճակների նախարարության ինքնաթիռը Գվինեա կտանի շարժական լաբորատորիա եւ «Ռոսպոտրեբնադզորի» հակահամաճարակաբանական բրիգադ, երկիր, որտեղ մոլեգնում է Էբոլա տենդը, ՌԻԱ «Նովոստիին» հաղորդել Է նախարարության տեղեկատվության վարչության ներկայացուցիչը:
«Ռուսաստանի արտակարգ իրավիճակների նախարարությունը Գվինեայի Հանրապետություն Է ուղարկում Իլ-76 հատուկ ինքնաթիռը՝ շարժական լաբորատորիայով եւ մասնագիտացված հակահամաճարակաբանական բրիգադով»,- ասել Է գործակալության զրուցակիցը, տեղեկացնում է «Արմենպրես»-ը:
Նրա խոսքով՝ ռուսաստանյան բրիգադի կազմում են համաճարակաբաներ, վիրուսաբաններ եւ մանրԷաբաններ:
Էբոլա տենդով հիվանդանալու դեպքեր են հաստատվել Լիբերիայում, Սիեռա Լեոնեում, Գվինեայում եւ Նիգերիայում: Արեւմտյան Աֆրիկայում տենդից մահացածների թիվը հասել է 1350-ի:
