Սեպտեմբերի 27-ի գիշերը միջազգային կոալիցիայի ուժերը ԱՄՆ-ի գլխավորությամբ մի շարք օդային հարվածներ են հասցրել գրոհայիններին: Այս մասին հայտնել է ԻՏԱՌ-ՏԱՍՍԸ:

 

Ռմբակոծել են «Իսլամական պետության» և այլ ծայրահեղականների դիրքերը Պալմիրա քաղաքից դեպի արևելք' Ալ Համադ անապատի շրջանում:

 

ԱՄՆ-ի և Իրաքում ու Սիրիայում նրա դաշնակիցների նպատակը «Իսլամական պետություն», «Խորասան» և «Ջեբհատ ան-նուսրա» ահաբեկչական խմբավորումների դիրքերն են:

 

Իսլամական դիրքերի ռմբակոծությանը Իրաքում ԱՄՆ-ի հետ մասնակցում են Ֆրանսիայի ինքնաթիռները, իսկ ամերիկյան ռազմական գործողությանը Սիրիայում միացել են արաբական մի շարք երկրներ' ինչպիսիք են Հորդանանը, Բահրեյնը, Սաուդյան Արաբիան և ԱՄԷ-ն: Իրաքի այս գործողություններին մասնակցելու իրենց մտադրությունն են հայտնել Միացյալ Թագավորությունը, Դանիան, Բելգիան, Նիդեռլանդներն ու Ավստրալիան: