«Գրոզնի Ավիա» ավիաընկերությունը հոկտեմբերից սկսելու է իրականացնել Սիմֆերոպոլ-Երևան ուղիղ ավիաչվերթեր:
Ինչպես հաղորդում է «Արմենպրես»-ը' վկայակոչելով «Ռիա-նովոստի»-ն, այդ մասին հայտարարել է Ղրիմի տրանսպորտի նախարարի պաշտոնակատար Անատոլի Ցուրկինը: «Հոկտեմբերի 10-ից կբացվի Սիմֆերոպոլ-Երևան ուղիղ, կանոնավոր ավիաչվերթը»,- ասել է նա:
Ցուրկինի խոսքով' ներկայում Սիմֆերոպոլի օդանավակայանից իրականացվում են միջազգային չվերթեր միայն Թուրքիայի ուղղությամբ:
«Սիմֆերոպոլ» օդանավակայանն այս տարվա հուլիսի 19-ից վերականգնել է միջազգային չվերթերը, որոնք դադարեցվել էին Ղրիմի' Ռուսաստանի կազմ ընդգրկվելուց հետո: