Ադրբեջանի պետական նավթային ընկերության (SOCAR) «Նարիմաննեֆտ» վարչության Կասպից ծովում գտնվող թիվ 441 նավթահանքում տեղի ունեցած պայթյունի հետեւանքով 12 նավթագործ անհայտ կորել են:

 

Ինչպես հաղորդում է «Արմենպրես»-ը' վկայակոչելով haqqin.az լրատվական կայքը, հրշեջներին հաջողվել է հանգցնել պայթյունի հետեւանքով հանքահորում ծագած հրդեհը: Պայթյունի պատճառը դեռեւս հայտնի չէ:

 

Բաքվի շտապօգնության կայանը հայտնել է, որ հիվանդանոցներ են տեղափոխվել պայթյունից վիրավորված 5 նավթագործ: Ադրբեջանի արտակարգ իրավիճակների նախարարությունը փրկարարական-որոնողական աշխատանքներ է սկսել անհայտ կորած նավթագործներին հայտնաբերելու համար: