Աֆղանստանի նորընտրիր նախագահ Աշրաֆ Ղանին հոկտեմբերի 28-ին այցով ժամանել է Չինաստան: Սա նրա առաջին արտասահմանյան ուղևորությունն է պետության ղեկավարի պաշտոնում՝ չհաշված օրերս Սաուդյան Արաբիա կատարած ուխտագնացությունը, տեղեկացնում է «Արմենպրես»-ը՝ հղում անելով BBC-ին:
Ինչպես սպասվում է, բանակցությունների ընթացքում ուշադրությունը կկենտրոնացվի տնտեսական կապերի ամրապնդման և չինական ներդրումների ներգրավման վրա:
Աֆղանստանը փորձում է նվազեցնել կախվածությունը միջազգային օգնությունից և պայքարում է թմրանյութերի անօրինական շրջանառության դեմ:
Աշրաֆ Ղանիի այցը երկրի համար հանգուցային է նոր դաշնակիցներ գտնելու առումով այն պայմաններում, երբ ՆԱՏՕ-ի առաքելությունը լքում է Աֆղանստանը:
