Անցնող օրվա առավել ուշագրավ տեղեկատվությունն ըստ «Mediamall.am» լրատվականի.
Էբոլա տենդի համաճարակը կտևի մինչև մեկ տարի. փորձագետ
Արեւմտյան Աֆրիկայում Էբոլա տենդի հարուցած հիվանդության համաճարակը կարող է տեւել եւս «վեց ամիսից մինչեւ մեկ տարի»: Ինչպես տեղեկացնում է «Արմենպրես»-ը, այս կանխատեսումն Է արել բելգիացի հայտնի մանրԷաբան Պիտեր Պիոտը՝ այն առաջատար մասնագետներից մեկը, որը կանգնած Է 1976 թվականին այս վիրուսի հայտնաբերման ակունքների մո տ: Նա ժամանել է Հոնկոնգ՝ մասնակցելու գիտաժողովի:
«Այն, ինչ մենք այսօր տեսնում ենք՝ ամեն ամիս ախտահարվածների թվի կրկնապատկումն է»,- հավաստել է գիտնականը, որի խոսքը հոկտեմբերի 28-ին մեջբերել Է South China Morning Post թերթը: Նա նշել է, որ Էբոլա վիրուսի հարուցած հիվանդության դեմ պատվաստանյութի մշակմամբ զբաղվում են երեք դեղագործական ընկերություններ, սակայն պատրաստուկներից մեկի ամենավաղ արդյունքները կարող են պատրաստ լինել փետրվարին:
Պրոֆեսորի կարծիքով, որը Լոնդոնի Հիգիենայի եւ արեւադարձային բժշկագիտության դպրոցի տնօրենն Է եւ Առողջապահության համաշխարհային կազմակարեպության (ԱՀԿ) խորհրդատուն, համաճարակաբանական իրադրությունը վերահսկողության տակ վերցնելու լավագույն միջոցը կլինի արյան «անվտանգ եւ Էժան» արագ-թեստերի օգտագործումը, որոնք թուլ կտան 10 րոպեում հայտնաբերել Էբոլա վիրուսով վարակումը:
Արծարածելով վիրուսի հետագա տարածման կանխատեսումները՝ կենսաբանը մեծ Է համարել դրա հայտնվելու հավանականությունը Չինաստանում:
ԱՀԿ-ի վերջին տվյալներով՝ Էբոլա վիրուսի հարուցած հիվանդությամբ ախտահարված մարդկանց թիվը հասել Է 10 141-ի, եւս 4 922-ը մահացել Է, հաղորդել Է ՏԱՍՍ-ը:
***
«Արցախբանկ»-ը փակեց դռները. «Տոնուս»-ից խաբված բնակիչները հանդիպում են պահանջում «Արցախբանկ»-ի սեփականատիրոջ հետ
«Տոնուս» ՍՊԸ-ի կողմից Դավիթաշեն վարչական շրջանի 2-րդ թաղամասում 44/4 և Փափազյան 118/1-ում կառուցվող բազմաբնակարան բնակելի շենքերի բնակարանատերերը բողոքի ակցիա են անցկացնում «Արցախբանկի»' Սայաթ-Նովայի փողոցում գտնվող «Նաիրիի» մասնաճյուղի դիմաց:
Քաղաքացիները պահանջում են իրենց տրամադրել օրինական ճանապարհով «Տոնուս» ՍՊԸ-ից ձեռք բերած բնակարանները: Այս պահին նրանք պահանջում են հանդիպում «Արցախբանկ»-ի սեփականատիրոջ հետ:
Ինչպես նախորդ ակցիաների ընթացքում, այս անգամ ևս, բանկը փակեց դռները՝ բնակիչներին թույլ չտալով մտնել բանկ:
Նշենք, որ շինարարական ընկերությունը պատկանում էր ԲՀԿ-ական Աշոտ Տոնոյանին:
Հիշեցնենք, որ 2006 թվականից ընտանիքները «Տոնուս Քոնսթրաքշնս» ՍՊԸ-ի հետ կնքել են անշարժ գույքի առքուվաճառքի նախնական պայմանագիր, կատարել պարբերական վճարումներ վերը նշված բազմաբնակարան շենքում բնակարան ձեռք բերելու նպատակով: Սակայն բնակիչներին հայտարարել են, որ իրենք բնակարանների նկատմամբ իրավունքներ չունեն, քանի որ շենքը գրավ է դրված «Արցախբանկ» ՓԲԸ-ում։
***
Օբաման խոստացել է Ղրիմը վերադարձնել Ուկրաինային
ԱՄՆ նախագահ Բարաք Օբաման խոստացել է աջակցել Ուկրաինայի իշխանություններին՝ Ղրիմը վերադարձնելու հարցում: Այս մասին գրել է «Նեզավիսիմայա Գազետա»-ն:
«ԱՄՆ-ն շարունակելու է աջակցել Ուկրաինայի ինքնիշխանությանը և տարածքային ամբողջականությանը, քանի որ դա նպաստում է երկրի արևելքում հակամարտության խաղաղ կարգավորմանը և Ղրիմը վերադարձնելուն»,- հայտարարվել է Սպիտակ տան հաղորդագրության մեջ:
***
Օրենքով սահմանվել է տրանսպորտային միջոցների մեջ հսկիչ-դրամարկղային մեքենաներ տեղադրելու հնարավորություն
«Հսկիչ-դրամարկղային մեքենաների կիրառման մասին» Հայաստանի Հանրապետության օրենքում լրացումներ և փոփոխություն կատարելու մասին» օրենքով սահմանվել է տրանսպորտային միջոցների մեջ (վրա) հսկիչ-դրամարկղային մեքենաներ տեղադրելու հնարավորություն:
Ընդ որում, ՀՀ տարածքում անհատ ձեռնարկատերերի և կազմակերպությունների կողմից տրանսպորտային միջոցներով վաճառք իրականացնելիս կամ բնակչությանը ծառայություններ մատուցելիս տրանսպորտային միջոցների մեջ (վրա) տեղադրված հսկիչ-դրամարկղային մեքենաները կարող են կիրառվել միայն հարկային հաշիվներ և (կամ) այլ հաշվարկային փաստաթղթեր (բացառությամբ ՀԴՄ կտրոններ) էլեկտրոնային եղանակով դուրս գրելու համար:
Նախարարության հարկ վճարողների հեռախոսազանգերի սպասարկման կենտրոնի ղեկավար Արթուր Վարդանյանի խոսքով' փոփոխությունը հնարավորություն կտա անհայտ գնորդներին առաքումներ իրականացնելիս կամ ծառայություններ մատուցելիս տվյալ ՀԴՄ-ի միջոցով հենց տեղում դուրս գրել հաշվարկային փաստաթղթեր կամ հարկային հաշիվներ, ինչը բավականին կհեշտացնի նրանց աշխատանքը և կխնայի ժամանակ: «Նախկինում հաշվար կային փաստաթուղթ և հարկային հաշիվ դուրս գրելու նպատակով առաքիչը պարտավոր էր հաշվապահությունում տեղեկացնել գնորդի տվյալները և հետո նոր միայն իրականացնել գործարքը»,-նշել է Արթուր Վարդանյանը:
***
Կյանքը սկսի՛ր նոր էջից. «Օրանժ ֆիթնես»-ը ճանաչվել է լավագույնը
Լուրեր.com-ը հարցում էր իրականացրել՝ պարզելու՝ Հայաստանում գործող ֆիթնես ակումբներից որն է համարվում շուկայի առաջատարը: Հարցվածներից շատերի կարծիքով պրեմիում կարգի ֆիթնես ակումբ «Օրանժ ֆիթնես»-ն առաջատարն է:Լուրեր.com-ն այս կապակցությամբ զրուցեց ակումբի կոմերցիոն տնօրեն Մարինա Անդրեասյանի հետ:
- Լուրեր.com-ի անցկացրած հարցման արդյունքում «Օրանժ ֆիթնես»-ը ճանաչվել է լավագույնը: Ո՞րն է ձեր հաջողության գաղտնիքը։
- Մենք հիմնականում շեշտադրում ենք կատարում երեք հիմնական ուղղությունների վրա. առաջին՝ «Օրանժ Ֆիթնես»-ը պրեմիում կարգի ակումբ է՝ Հայաստանում ամենաբարձրակարգը: Դա մեզ ստիպում և թելադրում է, որպեսզի մենք լինենք ամենապրոֆեսիոնալը մեր գործում: Մենք մեծ ներդնումներ ենք կատարում և՛ մեր մարզիչների ուսուցման, և՛ կադրերի ընտրության, և՛ սարքավորումների հագեցվածության հարցում: Մեր պրեմիում կարգն ավելի շատ պայմանավորված է մեր բարձրակարգ անձնակազմի կատարած որակյալ աշխատանքով և զարգացած ենթակառուցվածքներով:
Երկրորդ՝ մենք աշխատում ենք այն մարդկանց համար, ովքեր Հայաստանում ամենահաջողակն են իրենց գործում, ովքեր գնահատում են գումարը, որը վճարում են և ովքեր ամեն ինչի մեջ ընտրում են լավագույնը՝ կլինի դա հեռախոս, մեքենա, թե այլ ապրանք կամ ծառայություն: Բնականաբար, նման մարդիկ շատ խստապահանջ են սպասարկման ոլորտի նկատմամբ և ցանկանում են իրենց վճարած գումարի դիմաց ստանալ այն, ինչ ակնկալել են և դեռ մի բան էլ ավելին: Այդ պատճառով մեզ մոտ աշխատում են միայն բարձր որակավորում ունեցող մարզիչներ: Նրանք մարզիչ են և ոչ թե նախկին մարզիկ. Լավ մարզիկը դեռ մարզիչ չէ և շատ հեշտ կարող է մարդուն վնասել՝ չիմանալով և սխալ խորհուրդներ տալով: Այդ պատճառով էլ մենք շատ լուրջ ենք վերաբերվում մեր աշխատանքին, քանի որ անմիջապես գործ ունենք մարդու առողջության հետ:
Երրորդ՝ մենք առաջարկում ենք ապրելակերպ: Մարդիկ մեզ մոտ ձեռք են բերում տարեկան անդամության քարտեր՝ դրանով որոշում կայացնելով իրենց մեկ տարվա կյանքի համար: Ընդ որում, մեզ մոտ գալիս են ոչ միայն ակտիվ սպորտի, այլև առողջ ապրելակերպի ու հանգստի սիրահարները, որոնց համար մենք ստեղծել ենք բոլոր հարմարավետ պայմանները: Մեկ անգամ անդամություն ձեռք բերելով՝ մեր ակումբի անդամները հավատարիմ են մնում «Օրանժ Ֆիթնես»-ին տարիների ընթացքում, քանի որ ակումբը և նրա ստեղծած միջավայրը դառնում է նրանց կյանքի անբաժանելի մասն ու ապրելաոճը:
- Ի՞նչ մեթոդներով եք աշխատում և արդյո՞ք կիրառում եք ձեր աշխատանքում միջազգային փորձի ձեռքբերումները:
- Իհարկե, մենք վերցնում ենք ֆիթնեսի ասպարեզում միջազգային լավագույն փորձն ու առաջինն ենք ներդնում մեզ մոտ: Օրինակ՝ վերջերս ներմուծել ենք կոնսուլտանտ-մարզիչների գաղափարը, որը նախկինում Հայաստանում չի կիրառվել: Կոնսուլտանտ-մարզիչների նպատակն է ակումբի յուրաքանչյուր անդամին ապահովել մարզումների ծրագրով, հետևողական լինել այդ ծրագրի իրականացմանը և հետևել, որպեսզի մարզումների ընթացքում ակումբի անդամը հասնի իր նպատակներին և չվնասի իրեն:
- Հասարակական լայն շրջանակներում «Օրանժ ֆիթնեսը» համարվում է հասանելի միայն «էլիտար» շրջանակների համար. որքանո՞վ է դա համապատասխանում իրականությանը:
- Իրականում, քանի որ մենք պրեմիում կարգի ակումբ ենք, ամեն մարդ չէ, որ կարող է իրեն թույլ տալ այցելել «Օրանժ ֆիթնես»: Յուրաքանչյուրն ինքն է ընտրում՝ որքան գումար հատկացնի այս կամ այն ծառայության համար: Ես նշեցի, որ մենք պրոֆեսիոնալ մոտեցում ենք ցուցաբերում բոլոր հարցերին, իսկ դա մեծ ներդրումներ է պահանջում: Մենք ի սկզբանե ընտրել ենք այդ ճանապարհը: Մենք ստեղծել ենք այս ակումբն այն մարդկանց համար, ովքեր ցանկանում են ստանալ միմիայն բարձրակարգ ծառայություն, և այդ մարդիկ քիչ չեն մեր երկրում:
- Ի՞նչ զեղչային քաղաքականություն է վարում ակումբը: Ի՞նչ հետաքրքիր միջոցառումներ եք անցկացնում ձեր ակումբում։
- Մենք զեղչային քաղաքականության առումով այդքան էլ ճկուն չենք: Մեր քարտային գները ֆիքսված են, իսկ նոր ակումբի անդամի համար գործում է նաև անդամավճար: Մարդիկ զեղչի համար չէ, որ մեզ ընտրում են. նրանք գիտեն՝ ինչի դիմաց են վճարում: Իսկ միջոցառումների առումով պետք է նշեմ, որ ակումբային ջերմ մթնոլորտը պահելու համար ժամանակ առ ժամանակ կազմակերպում ենք ակումբի անդամների համար և՛ մրցումներ, և՛ տարբեր երեկույթներ:
- Իսկ Դուք վաղո՞ւց է, ինչ աշխատում եք այս ոլորտում, այս ընկերությունում և արդյոք սիրո՞ւմ եք ձեր աշխատանքը:
- Ես հինգ տարի է, ինչ աշխատում եմ «Օրանժ ֆիթնես»-ում, և կարելի է ասել, որ միասին ենք «աճել», և իրոք շատ սիրում եմ իմ գործը. շատ հարազատ է այն, ինչ ես անում եմ, քանի որ գիտակցում եմ, որ օգտակար գործ եմ անում մարդկանց համար: Դա ամենակարևորն է ինձ համար: Մեր ամբողջ թիմն է այդ ոգևորությամբ աշխատում՝ գիտակցելով իր աշխատանքի նշանակությունը:
- Ժամանակակից հասարակության գլխավոր խնդիրներից մեկը գերզբաղվածության, աշխատանքային ծանրաբեռնված գրաֆիկի, անառողջ սննդի հետևանքով առողջական որոշակի խնդիրների առաջացումն է: Դուք ի՞նչ խորհուրդ կտաք այն մարդկանց, որոնց համար կյանքի ուղեկիցը դարձել են «դիետան սկսվում է վաղը», կամ «մարզումներս կսկսեմ վաղվանից» կարգախոսները:
- Իրականում ցանկալի արդյունքի կարելի է հասնել ոչ թե չսնվելով, այլ ճիշտ սննդակարգ պահպանելով և այն համակցելով գրագետ մարզումների հետ: Մենք խորհուրդ ենք տալիս բոլորին շաբաթական գոնե երկու ժամ տրամադրել իրենց առողջությանը, քանի որ ֆիթնեսը լավագույն միջոցն է ձերբազատվելու, սթրեսերից, ունենալու գեղեցիկ կազմվածք և գերազանց ինքնազգացողություն: Երբ մարդիկ գալիս են մեզ մոտ, նրանց համար իսկապես կյանքն սկսվում է նոր էջից: Հենց դա էլ մեր կարգախոսն է ՝ «Կյանքը նոր էջից»:
***
Վարդան Ղ.-ի համաձայնությամբ ու ցուցումով Հովհաննես Ե.-ն պահանջել և բանկային փոխանցումների միջոցով ստացել է ընդհանուր առմամբ 500.000 ՀՀ դրամ: Վարդան Ղ.-ին մեղադրանք է առաջադրվել ՀՀ քրեական օրենսգրքի 38-182-րդ հոդվածի 2-րդ մասի 2-րդ և 3.1 կետերով և վերջինիս նկատմամբ որպես խափանման միջոց ընտրվել է կալանավորումը:
Նախաքննությունը շարունակվում է:
***
ԱՄԷ-ում ադրբեջանական հանցագործ խմբավորում է ձերբակալվել
Արաբական Միացյալ Էմիրությունների իրավապահ մարմիններն օրերս ձերբակալել եւ Ադրբեջանի ներքին գործերի նախարարության մարդկանց առեւտրի դեմ պայքարի վարչությանն են հանձնել Շամխորի շրջանի 48-ամյա բնակչուհի Ալմազ Սարը գըզը Հասանովային, որը վերջին 7 տարին գտնվել է Ինտերպոլի գծով քրեական որոնման մեջ: Այս մասին, ինչպես հաղորդում է «Արմենպրես»-ը, հայտնում է vesti.az լրատվական կայքը' հղու մ կատարելով Ադրբեջանի ՆԳՆ-ին:
Հայտնի դարձած տեղեկությունների համաձայն' Հասանովան ԱՄԷ-ում գլխավորել է հանցագործ խմբավորում, որը տեղական թրաֆիքինգից բացի զբաղված է եղել նաեւ գողություններով: Հասանովան մարմնավաճառներին հարկադրել է թալանել արաբ հաճախորդներին:
Ադրբեջանցի կինը ադրբեջանուհիներին խաբեությամբ տարել է ԱՄԷ եւ ենթարկել սեռական շահագործման: Իսկ հետո նախկին մարմնավաճառներին հարկադրել է կանանց նոր խմբեր ուղարկել: Հասանովայի դեմ բացված քրեական գործով անցնում են երեք տուժածներ: Նշվում է, որ Հասանովայի գլխավորած հանցագործ խմբի երկու անդամներ Ադրբեջանում արդեն դատապարտվել են տարբեր ժամկետներով ազատազրկման: Հասանովայի նկատմամբ դատավարությունն Ադրբեջանում կսկսվի մոտ ապագայում:
Նշվում է, որ ԱՄԷ-ի իրավապահ մարմինների կողմից ձերբակալված Հասանովայի խմբավորման մյուս անդամները քրեական պատասխանատվության կենթարկվեն այդ երկրում, քանի որ մեղադրվում են տեղացի արաբներից գողություններ կատարելու մեջ:
***
Արսեն Խոջոյանը դուրս է գրվել հիվանդանոցից
Ադրբեջանական գերությունից վերադարձած Տավուշի մարզի Վերին Կարմիրաղբյուր գյուղի 23-ամյա բնակիչ Արսեն Խոջոյանը դուրս է գրվել հիվանդանոցից: Նա սեպտեմբերի 26-ից առայսօր ստացիոնար բուժում էր անցնում ՀՀ առողջապահության նախարարության Մաշկաբանության և սեռավարակների գիտաբժշկական կենտրոնում: Գերությունից վերադառնալուց հետո նրա մոտ ախտորոշվել էր «վուլգար փսորիազ» հիվանդությունը, որի սրացման պատճառով Արսեն Խոջոյանը պարբերաբար բուժօգնություն էր ստանում Երևանում:
Մեկամսյա հիվանդանոցային բուժման ընթացքում Արսենն անցել է անհրաժեշտ բուժման կուրսը: Այս պահին, ըստ բժիշկ-մասնագետի, հիվանդությունը ռեմիսիայի (հետզարգացման) փուլում է: Նշանակված համապատասխան դեղորայքի ընդունումը Արսեն Խոջոյանը կշարունակի տնային պայմաններում' միաժամանակ գտնվելով գիտաբժշկական կենտրոնի դիսպանսեր հսկողության ներքո' 15-օրյա պ արբերականությամբ հետազոտություն անցնելով նույն բուժհաստատությունում:
Մարտի 7-ին' 12:30-ի սահմաններում, Թովուզում տեղաբնակները գերեվարել են խիտ ամպամածության պատճառով մոլորվելով հայ-ադրբեջանական սահմանը հատած Տավուշի շրջանի Վերին Կարմիրաղբյուր գյուղի 23-ամյա հովիվ Արսեն Խոջոյանին:
Գերեվարված հայ երիտասարդին բնակիչներն անմիջապես հանձնել են Ադրբեջանի ազգային անվտանգության նախարարության աշխատակիցներին: Արսեն Խոջոյանը ադրբեջանական գերությունից մարտի 4-ին վերադարձված եւ այնտեղ խոշտանգումների ենթարկված Հայաստանի 77-ամյա քաղաքացի Մամիկոն Խոջոյանի հեռու ազգականն է: Ապրիլի 10-ին Արսեն Խոջոյոնը հայրենիք է վերադարձվել:
***
Երևանի Րաֆֆու փողոցում 11-ամյա տղա է վրաերթի ենթարկվել
Երևանի Րաֆֆու փողոցի «Սուրբ Երրորդություն» եկեղեցու դիմաց հոկտեմբերի 27-ին' ժամը 14.30-ին, «Մերսեդես-E 320» մակնիշի ավտոմեքենայի վարորդը վրաերթի է ենթարկել 11-ամյա տղայի և նրան տեղափոխել հիվանդանոց:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, կատարվում է քննություն:
***
Սյունիքի մարզպետը հանդիպեց ազատամարտիկների հետ
Սյունիքի մարզպետարանի նիստերի դահլիճում հոկտեմբերի 28-ին մարզպետ Սուրիկ Խաչատրյանը հանդիպեց Կապանի տարածաշրջանի ազատամարտիկների հետ: «88-ից միասնական ուժերով կարողացանք մեր երկիրը, մեր սահմանները ամուր պահել, կարողացանք օգտակար լինել Արցախին», - «Արմենպրես»-ի հաղորդմամբ' նշեց մարզպետը եւ շեշտեց, որ այդ գործին մասնա կից յուրաքանչյուրը պետք է գնահատվի ըստ արժանվույն:
Խոսելով ազատամարտիկների այսօրվա սոցիալական խնդիրների մասին' նա ընդգծեց, որ դրանք կան, սակայն դժվար գտնվի մեկը, ով դիմած լինի իրեն ու այդ խնդիրը լուծված չլինի: Անդրադառնալով հիմնականում սահմամամերձ գյուղերի ինքնապաշտպանական մարտերում կռված ազատամարտիկներին' Խաչատրյանը նշեց, որ այսօր էլ կան տղաներ, ովքեր համապատասխան պաստաթղթեր չունեն: Մարզպետն առաջարկեց իրենց աջակցությամբ լուծել այդ խնդիրը:
«Ուզում եմ, որ դուք ունենաք ձեր անցած ճանապարհի փառքը, լինեք ձեր կենսագրության տերը: Երկրա պահի շարքերը պետք է համախմբենք», - ասաց Խաչատրյանը՝ հավելելով, որ ոչ ոք չի կարող անտեսվել, որ այդ օրերին սահմանամռրձ գյուղի յուրաքանչյուր բնակիչ արդեն իսկ ազատամարտիկ էր: Մարզպետի խոսքով' այսօր մեր կռիվը չի ավարտվել:
«Ունենք տարածաշրջանում հզոր, մարտունակ բանակ, բայց Աստված մի արասցե, մեր անցած ճանապարհն ու փորձը պետք լինեն: Մշտապես պետք է զինվորագրված լինենք մեր հայրենիքին, համախմբվենք, մոռանանք բոլոր խնդիրները, սյունեցու ոգով լինենք միասնական», -հորդորեց մարզպետը: Ելույթից հետո Սուրիկ Խաչատրյանը պատասխանեց ազատամարտիկներ ի հարցերին:
Գոհար Իսախանյան
