Շվեդիայի կառավարությունը հոկտեմբերի 30-ին պաշտոնապես ճանաչել է Պաղեստինի պետությունը: Ինչպես հաղորդում է «Արմենպրես»-ը՝ վկայակոչելով արաբական լրատվամիջողները, կառավարությունը ողջունել է Պաղեստինի Նախագահին և քննադատել Իսրայելին: Շվեդիայի արտաքին գործերի նախարար Մարգոթ Վալսթրոմը լրագրողների հետ զրույցում նշել է, որ իր երկիրը ցանկացում է այդ որոշմամբ նոր ուժ հաղորդել ընդհատված խաղաղ գործընթացին: «Սա կարևոր քայլ է, որը հաստատում է պաղեստինցիների ինքնորոշման իրավունքը»,- հայտարարել է Վալսթրոմը:
Ավելի վաղ երկրի վարչապետ Ստեֆան Լյովենը հայտարարել էր, որ Շվեդիան կդառնա առաջին եվրոպական երկիրը, ով կճանաչի Պաղեստինը որպես ինքնիշխան պետություն: Վարչապետի այդ հայտարարությունը քննադատության ալիք էր բարձրացրել ԱՄՆ-ում և Իսրայելում:
Լուրեր են շրջանառվում այն մասին, որ Պաղեստինի պետությունը ճանաչեուց հետո Ստոկհոլմը կարող է պատժամիջոցներ կիրառել Իսրայելի դեմ, եթե վերջինս հարձակումներ իրականացնի պաղեստինյան տարածքների վրա:
