Կանադայի ոստիկանությունը հայտարարել է, որ կանխել է Սուրբ Վալենտինի օրը ծրագրված մարդկանց զանգվածային սպանություն՝ հրազենի կիրառմամբ: Այս մասին հաղորդում է Reuters-ը:
Իրավապահ մարմինների տվյալներով՝ հանցագործությունը պատրաստել են 19-ամյա մի տղամարդ և 23-ամյա մի կին:
Ինչպես հայտնի է դարձել ոստիկանությանը, փետրվարի 14-ին երկու հանցագործները նախատեսել էին գնալ հասարակական վայր և հրազենի կիրառմամբ կրակ բացել մարդկանց ուղղությամբ, այնուհետև ինքնասպան լինել:
Նախապատրաստվող հանցագործության շարժաառիթների մասին ոստիկանությունը չի հաղորդել:
