Մայիսի 25-ին Երևանի Մանուել Քաջունու անվան 54 ավագ դպրոցում կայացավ արցախյան ազատամարտում զոհված Մարտական հատուկ նշանակության ջոկատի հրամանատարի տեղակալ, հերոս Աշոտ Խուրշուդյանի անվան դասասենյակի անվանակոչության արարողությունը:

Ցերեկույթի ընթացքում ներկայացվեց Ա. Խուրշուդյանի անցած մարտական ուղին, նրա կատարած աշխատանքներն ու անկախության, ազգային զարթոնքի համար պայքարի իր գաղափարները:

Իր խոսքում Ա. Խուրշուդյանի որդին՝ Մամիկոն Խուրշուդյանը, շնորհակալություն հայտնեց Արաբկիր վարչական շրջանի ղեկավարությանը, 54 ավագ դպրոցի տնօրինությանը, ներկաներին՝ ուշադրության, հոգատար վերաբերմունքի և մշտապես Խուրշուդյան ընտանիքի կողքին լինելու համար:

Միջոցառման ավարտին ԵԿՄ վարչության նախագահ, Արցախի հերոս, գեներալ-լեյտենանտ Մանվել Գրիգորյանի հրամանով Ա. Խուրշուդյանը հետմահու պարգևատրվեց ԵԿՄ հուշամեդալով, իսկ դպրոցի տնօրինությունը՝ ԵԿՄ պատվոգրով: Դպրոցի տնօրինությունը ՀՀ Պաշտպանության նախարարության կողմից պարգևատրվեցին պատվոգրերով:

Նյութի աղբյուր՝ Shamshyan.com