Օլիմպիական խաղերի փոխչեմպիոն Միհրան Հարությունյանը հանդիպել է Արցախի նախագահ Բակո Սահակյանի հետ:

Այս մասին մարզիկը գրել է ինստագրամի իր էջում:

Հանդիպման ընթացքում քննարկվել է ըմբշամարտի  դպրոցի բացման կազմակերպման հարցը: Երիտասարդների շրջանում մարզական կրթության խթանման գաղափարը նախագահ Սահակյանը մեծ հետաքրքրությամբ է ընդունել և խոստացել է տրամադրել բազմակողմանի աջակցություն:

Մարզիկը նշել է, որ Արցախում իրեն դիմավորել են մեծ ջերմությամբ  և շնորհակալություն է հայտնել բոլորին: