ՀՀ հատուկ քննչական ծառայությունում քննվող քրեական գործի շրջանակներում անցյալ շաբաթ մեղադրանք է առաջադրվել Հովիկ Աբրահամյանի վարորդին՝ Ամբիկ Գևորգյանին։ Այս տեղեկությունը ԼՈւՐԵՐ․com-ի հետ զրույցում հաստատեց Հատուկ քննչական ծառայության մամուլի խոսնակ Մարինա Օհանջանյանը:
«Ամբիկ Գևորգյանին մեղադրանք է առաջադրվել Հենրիկ Աբրահամյանին առաջադրված նույն հոդվածով՝ 235-րդ հոդվածի 2-րդ մասով նախատեսված հանրորեն վտանգավոր արարքի կատարման համար»,- ասաց ՀՔԾ խոսնակը։
Հիշեցնենք, որ «Մարտի 1-ի» գործի նախաքննության շրջանակներում խուզարկվել էր Հովիկ Աբրահամյանին պատկանող՝ Մխչյանի նախկին մեխանիկա-վերանորոգման գործարանի տարածքը, որտեղ հայտնաբերվեր էր զինամթերք:
Խուզարկությունից հետո ձերբակալվել էին Հովիկ Աբրահամյանի եղբայրը՝ Հենրիկ Աբրահամյանն ու Ամբիկ Գևորգյանը: Հենրիկ Աբրահամյանի նկատմամբ խափանման միջոց է ընտրվել կալանավորումը:
