Ոստիկանության Ամասիայի բաժնի կողմից որպես անհայտ կորած որոնվում է 1991 թվականին ծնված Իվան Գոնչարովը, որը օգոստոսի 20-ին, ժամը 21-ի սահմաններում, դուրս է եկել տնից և չի վերադարձել: Այս մասին հայտնեցին ՀՀ ոստիկանության տեղեկատվության և հասարակայնության հետ կապերի վարչությունից:

Նրա գտնվելու վայրի վերաբերյալ տեղեկություն ունեցողներին ոստիկանությունը խնդրում է դիմել ոստիկանության Ամասիայի կամ մոտակա բաժին, զանգահարել 1-02 հեռախոսահամարով: