Ռուսաստանի նախագահ Վլադիմիր Պուտինն ու ԱՄՆ-ի առաջնորդ Դոնալդ Թրամփը հեռախոսազրույց են անցկացրել, որը տեւել է շուրջ մեկ ժամ: Այդ մասին լրագրողներին հայտնել է Սպիտակ տան մամուլի քարտուղար Սառա Սանդերսը, հաղորդում է ՏԱՍՍ-ը:
Նրա խոսքով՝ կողմերը քննարկել են Ռոբերտ Մյուլերի հետաքննության արդյունքները, իրավիճակը Վենեսուելայում եւ ԿԺԴՀ-ում, ինչպես նաեւ Ռազմավարական հարձակողական սպառազինությունների սահմանափակման միջոցների եւ հետագա կրճատման մասին պայմանագրի երկարաձգման հնարավորությունը, ՌԴ-ի, ԱՄՆ-ի եւ ԿԺՀ-ի միջեւ նոր նմանօրինակ պայմանագրի կնքումը: Նա նաեւ հայտնել է, որ հեռախոսազրույցն ունեցել է դրական ընթացք:
Կրեմլում հաստատել են զրույցի կայացման փաստը: «Թրամփի եւ Պուտինի հեռախոսազրույցը տեւել է շուրջ մեկուկես ժամ»,-ասել է Ռուսաստանի նախագահի մամուլի քարտուղար Դմիտրի Պեսկովը:
