Ադրբեջանի Պետական անվտանգության ծառայության պետ Մադաթ Գուլիեւը պատմել է Ադրբեջանի դեմ ծրագրերի մասին:
«Ամեն առավոտ ինձ զեկուցում են, եւ ես տեղեկատվություն եմ ստանում Ադրբեջանի դեմ ծրագրերի մասին: Մենք երբեք չպետք է մոռանանք այդ մասին»,- ասել է Գուլիեւը:
Պատմության էքսկուրս անցկացնելով եւ նշելով Ադրբեջանի ազգի հայր Հեյդար Ալիեւի դերը՝ Գուլիեւը նշել է, որ 1988-1993 թթ. երկրում ճգնաժամ եւ աղետ է տիրել:
«Երկրում փաստացի եղբայրասպան պատերազմ է սկսվել: Արդեն այսօր այս պաշտոնում տեսնում եմ, որ քաղաքական ուժերի եւ արտասահմանյան հատուկ ծառայությունների խմբերի առաջ նպատակ է դրվել Ադրբեջանը վերադարձնել 30-ական թվականներ: Ադրբեջանը պետք է բաժանվեր 4-5 մասի, այն ցանկանում էին ջնջել քաղաքական քարտեզից եւ պատմությունից»,- հայտարարել է Գուլիեւը՝ հավելելով, որ նման ծրագրեր կան նաեւ այսօր:
