Լոնդոնի կայսերական քոլեջի գիտնականներն առաջին անգամ ստեղծել են բջիջներ, որոնք ի զորու են ընկալելու շրջակա միջավայրի գործոնները եւ արտազատելու քիմիական նյութեր ի պատասխան գրգռիչների։ Այս մասին գրում է Phys.org կայքը։ Արհեստական բջիջները բաղկացած են մեմբրանից, որի մեջ կան անցքեր, որոնցով ներթափանցել կարող են կալցիումի իոններ։ Ներսում ֆերմենտներով լցված փոքրիկ փուչիկներ են, որոն ակտիվանում են կալցիումի ազդեցությամբ։ Ֆերմենտները իրենց հերթին կարող են ազատել ֆլուրոեսցինային մասնիկներ։ Գիտնականները հայտարարել են, որ իրենք կարողացել են ստեղծել պարզ մեթաբոլիկ ճանապարհ, որով այլեւս կարիք չի լինի կողային նյութերի մաքրում իրականացնել, որոնք կարող են նույնիսկ վտանգավոր լինել կենդանի բջջի համար։ Նման մշակումները կարող են կիրառվել կենսատեխնոլոգիաների եւ բժշկության մեջ եւ օրինակ կիրառվել քաղցկեղի բուժման ոլորտում, օրգանիզմում անհրաժեշտ դեղերի սինթեզի ոլորտում։ Բջիջները կարող են նկատել նաեւ ծանր մետաղների առկայությունը շրջակա միջավայրում, որոնք ի վիճակի կլինեն ներթափանցել աղտոտիչների մեջ ու վնասազերծել դրանք։