ՀՀ վաստակավոր արտիստ, երգիչ Անդրեն, ով կարծես, թե վերջին տարիներին բնակություն է հաստատել Ամերիկայի Միացյալ Նահանգներում, այնտեղ «Tet A tet» հաղորդման ժամանակ շատ սուր արձագանքել է երգիչ, երգահան Ռուբեն Հախվերդյանին, որը հարցազրույցներից մեկում երգիչներին անվանել էր ադրբեջանցիներ, եւ խորհուրդ էր տվել երկրից նրանց հեռանալ։

 

«Նրանք ադրբեջանցիներ են, ադրբեջանական մթնոլորտում են մեծացել, վաբշե պետք է մաքրվեք ստեղից…»,֊նշել էր Հախվերդյանը։

Այս առնչությամբ ArmLur.am-ը զրուցել է երգիչ, երգահան Ռուբեն Հախվերդյանի հետ։

«Ես նման բան չեմ ասել, ես ընդամենն ասել եմ, որ նրանք մուղամաթի մշակույթի մեջ են մեծացել, իսկ մյուս սերունդը բնականաբար Կոմիտասի, եւ այդպես, դա եմ ես ասել։ Ես կոնկրետ իրեն չեմ ասել, ես նկատի եմ ունեցել ղարաբաղյան կլանին։ Անդրեն սովորական ոչնչություն է, ներողությո’ւն, եթե շունը չէ, շնիկը հաչում է քո վրա, Դուք ուշադրություն դարձնո՞ւմ եք այդ շնիկին»- ասել է Ռուբեն Հախվերդյանը։