Թուրքիան ահաբեկիչների նոր խմբաքանակ է ուղարկում Ադրբեջան։ Սա բացատրվում է նրանով, որ Ադրբեջանից Սիրիա գնալով ավելի ու ավելի շատ ահաբեկիչներ են վերադառնում։ Մարդու իրավունքների սիրիական կենտրոնը (SOHR), վկայակոչելով իր աղբյուրներին, հայտնում է, որ մոտ 230 սիրիացի զինյալներից բաղկացած նոր խումբ է ուղարկվել Ադրբեջան՝ մասնակցելու Լեռնային Ղարաբաղում հայերի դեմ շարունակվող ռազմական գործողություններին: Միևնույն ժամանակ, առնվազն 22 զինյալ փախել է մարտերից և վերադարձել Սիրիա: Ըստ կենտրոնի՝ այս ընթացքում սպանվել է 240 գրոհային։ Նրանցից 183-ի մարմինները տեղափոխվել են Սիրիա, մնացածները մնացել են Ադրբեջանում: Բացի այդ, հայկական ուժերը գերեվարել են երեք սիրիացի գրոհայինների: Հատկանշական է, որ Թուրքիան ջանքեր է գործադրում Լեռնային Ղարաբաղի տարածաշրջան ավելի շատ զինյալներ ուղարկելու համար, սակայն նրանց մեծ մասը հրաժարվում է կռվել Ադրբեջանի կողմում' իրենց կրոնական նկատառումների և համաքաղաքացիների շրջանում ունեցած բազմաթիվ կորուստների պատճառով:
