![](http://mediamall.am/timthumb.php?src=upload/239300.png&w=300&h=200&mt=1612462235)
Ամերիկացի MMA-ի մարտիկ Դիեգո Գարիխոն 2005 թվականից զբաղվում էր մենամարտերով մինչև որ 2012 թվականին նրա տեսողության հետ խնդիրներ առաջացան: Բժիշկները նրա արգելեցին զբաղվել սպորտով, սակայն 2018 թվականին մարզիկը վերադարձավ ռինգ` իր հին մականունով` Դոս Պիստոլաս, գրում է Unilad-ը:
Դիեգոն սպորտից բացի զբաղվել է նաև նկարչությամբ, գրել բանաստեղծություններ, իսկ մի օր էլ հանկարծակիորեն որոշել է դառնալ «դրագ֊քուին»: Այժմ նա ամեն գիշեր դիմահարդարվում է, կրում անկեղծ զգեստներ, կեղծամ և բարձրակրունկներ, որպեսզի ելույթ ունենա բեմի վրա:
Իր ալտեր-էգոյի համար նա մտածել է Լոլա Պիստոլա անունը: Դիեգոն կարծում է, որ այս կերպարն իր ստեղծագործական ձգտումների ուղղակի շարունակությունն է:
Այնուամենայնիվ, մարզիկը պնդում է, որ հետերոսեքսուալ է, սակայն զգեստներն իրեն չեն վախեցնում:
Պարբերականի հաղորդմամբ` ոչ սովորական գաղափարներով տղային աջակցում են և դրագ-համայնքը, և MMA-ի մարտիկները:
«Բուժումից հետո վնասված աչքիս տեսողությունը վերադարձավ, բայց այն արդեն նույնը չէ, ինչ նախկինում էր: Բժիշկը զգուշացրել է, որ մարտերի պատճառով նույնը կարող է պատահել երկրորդի հետ: Բայց ես չեմ պատրաստվում հրաժարվել մարտերից: Ես սիրում եմ կռվել, սիրում եմ այն զգացողությունը, որը հայտնվում է ռինգում: Դրա համար ես ռիսկի կդիմեմ նույնիսկ ամբողջովին կույր դառնալ»,- ասել է Դիեգոն:
![](https://lurer.com/disc/04-02-21/df5a88a2d030f3d653a6c831f321d413.jpg)
![](https://lurer.com/disc/04-02-21/b8da962d9c02cb58197aff8bd02ab6f9.jpg)
![](https://lurer.com/disc/04-02-21/90ec6760cad34df5c562928278461bd6.jpg)