Իրանի կառավարությունն արտահերթ նիստ կգումարի նախագահ Էբրահիմ Ռաիսիի մահվան լուրից հետո, հաղորդում է IRNA-ն։

Նիստի ստույգ ժամը չի նշվում։

Ինչպես հայտնել ենք, Իրանի նախագահ Էբրահիմ Ռայիսիի՝ վթարի ենթարկված ուղղաթիռում գտնվող բոլոր անձինք համարվում են զոհված։ Ուղղաթիռում էին նաև արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգի նահանգապետ Մալեք Ռահմատին և Թավրիզ քաղաքի ուրբաթօրյա իմամ Մոհամմադ Ալի Ալե Հաշեմը: