Shamshyan.com. Մայիսի 17 Թբիլիսիում սեռական փոքրամասնության շքերթը ցրելու և մասնակիցների վրա հարձակվելու համար ձերբակալված հոգևորականներ Վարդապետ Անտիմոզ Բիչինաշվիլին և վանահայր Իրակլի Բասիլիան որ իրենք գործողություններն Աստծո կամքի դրսևորում են գնահատել և հրաժարվում են ընդունել իրենց մեղքը: Հուլիսի 15-ի Թբիլիսիի քաղաքային դատարանում կայանալու է նրանց դատալսումը: «Մեզ մեղադրում են այդ ակցիան խափանելու և նրա մասնակիցների վրա հարձակվելու մեջ, սակայն դա այդպես չէ: Մենք չենք եղել դրա կազմակերպիչները: Հավանաբար, դա Աստծո կամքն է եղել: Եվ եթե ինչ-որ մեկը եղել է դրա կազմակերպիչը, ապա դա Հիսուս Քրիստոս է»,-ասել է լրագրողներին հայր Անտիմոզը: Նշենք, որ հոգևորականների նկատմամբ հարուցվել է քրեական գործ՝ Վրաստանի քր.օր-ի 161-րդ հոդվածով (ակցիայի անցկացման ընթացքում խոչընդոտներ ստեղծելը և ակցիայի մասնակիցների նկատմամբ բռնություն կիրառելը), որը նախատեսում է տուգանք կամ մինչև 2 տարվա ազատազրկում: Հիշեցնենք, որ Թբիլիսիի Ռուսթավելի պողոտայում սեռական փոքրամասնությունների իրավունքները պաշտպանելու նպատակով տեղի ունեցած միասեռականների քայլերթն ավարտվել էր ընդհարումներով: