Հանրապետության գլխավոր տոնածառի լույսերի միացմանը զուգահեռ՝ վառվել են նաև Երևանի բոլոր վարչական շրջանների տոնածառերի ու գեղարվեստական լույսերը:

 

Մայրաքաղաքը թե՛ երևանցիներին և թե՛ քաղաքի հյուրերին ներկայացել է տոնական շքեղ հանդերձանքով:

 

Երևանի բոլոր վարչական շրջանների կենտրոնական և երկրորդական փողոցները, ամանորյա խորհրդանիշներով գեղազարդ լուսավորության հետ միասին, ներկայանում են նաև քաղաքային տոնական տարբեր ձևավորումներով։

 

Գեղարվեստական լուսավորմամբ ավելի քան 300 ծառեր դարձել են ամանորյա տոնական զարդարանքի բաղկացուցիչ մասը, ինչն, ի դեպ, այս տարվա ամանորյա տոնական ձևավորման նորույթներից է:

 

Մասնավոր հատվածն էլ, իրեն պատկանող օբյեկտների և դրանց հարակից տարածքների տոնական ինքնատիպ ձևավորմամբ, լրացնում ու ամբողջացնում է մայրաքաղաքի տոնական տեսքը:

 

Երևանի քաղաքապետարանի տեղեկատվության և հասարակայնության հետ կապերի վարչություն