Ուրուգվայի Արևելյան Հանրապետության փոխնախագահ, Սենատի նախագահ Դանիլո Աստորիի գլխավորած պատվիրակությունը դեկտեմբերի 10-ին այցելել է Դիլիջանի միջազգային դպրոց: Պատվիրակությանն ուղեկցել է ՀՀ ԱԺ Հայաստան-Ուրուգվայ բարեկամական խմբի ղեկավար Սուքիաս Ավետիսյանը:
Սենատի նախագահ Դանիլո Աստորին շրջել է դեռևս հոկտեմբերին դռները բացած դպրոցում, ծանոթացել աշակերտների հետ: Դանիլո Աստորին, ողջունելով դպրոցի աշակերտներին, զրուցել է նրանց հետ, ծանոթացել դպրոցից ստացած նրանց տպավորություններին:
Սենատի նախագահը շրջել է դպրոցի ցուցասրահում, որտեղ ներկայացված են աշակերտների անհատական աշխատանքները, գրադարանում նաև մարզասրահում:
