Հուլիսի 17-ին, ժամը 01.15-ին ահազանգ է ստացվել, որ Տավուշի մարզի Իջևան քաղաքի մարզպետարանի շենքի մոտակայքում տեղի է ունեցել ՃՏՊ, անհրաժեշտ է փրկարարների օգնությունը: Այս մասին Mediamall.am-ը տեղեկանում է ՏԿԱԻՆ մամուլի ծառայությունից:
Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքներում Մ-4 ավտոճանապարհին Երևան-Իջևան հատվածի 130-րդ կմ-ում բախվել են «Ջիպ Գրանդ Շերոկի» մակնիշի 33 QD 353 պ/հ և «ՎԱԶ 2121» մակնիշի 34 FG 699 պ/հ (վարորդ Ա. Ա.):
Մինչ հրշեջ-փրկարարների կանչի վայր հասնել «ՎԱԶ 2121» մակնիշի ավտոմեքենայի ուղևոր Ս. Մ-ին և վարորդ Ա.Ա-ին տեղի ուժերով դուրս են բերվել և տեղափոխվել Իջևանի ԲԿ. որտեղ Ա.Ա-ն ճանապարհին մահացել է, իսկ Ս.Մ-ի առողջական վիճակն ըստ բժիշկների գնահատվել է բավարար:
Հրշեջ-փրկարարները հոսանքազրկել են ավտոմեքենաները, փակել գազի բալոնի փականները:
