Բրազիլիական Radio Liberdade FM-ի ռադիոկայանի ստուդիայում մարդասպանները կրակել են ռադիոհաղորդավարին. փոխանցում է РЕН ТВ-ն:
Հաղորդվում է, որ երկու հանցագործ ներխուժել է ստուդիա, երբ հաղորդավարն ուղիղ եթերում ծրագիր էր վարում:
Լրագրողը մահացել է ստացված հրազենային վիրավորումից:
Նշվում է, որ հանցագործները փախուստի են դիմել:
Վարկածներից մեկի համաձայն' միջադեպը տեղի է ունեցել լրագրողի սկանդալային ծրագրերի պատճառով: Նա պատմում էր քաղաքական շրջանակներում առկա կոռուպցիայի մասին և բազմիցս սպառնալիքներ է ստացել իր հասցեին:
