Թիմի վաստակած միավորները հեղինակածս հեթ-տրիկից ավելի կարևոր է: Այս մասին ասել է Դորտմունդի «Բորուսիայի» հարձակվող Պիեր Էմերիկ Օբամեյանգը Գերմանիայի առաջնության 10-րդ տուրում «Աուգսբուրգի» նկատմամբ տարած 5:1 հաշվով հաղթանակից հետո:

«Ընտանիքիս հետ գրազ էի եկել, որ երեք գոլ կխփեմ: Լավ է, որ ինձ մոտ ստացվեց, սակայն ավելի կարևոր է վաստակած երեք միավորը: Կարծում եմ՝ ներկա պահին Ռոբերտ Լևանդովսկին աշխարհի լավագույն հարձակվողներից մեկն է: Իհարկե, փորձում եմ նրանից հետ չմնալ, սակայն չեմ ցանկանում ինձ համեմատել նրա հետ»,- ֆուտբոլիստի խոսքը մեջբերում է դորտմունդյան թիմի պաշտոնական կայքը: