ՄԱԿ-ի Անվտանգության խորհրդի փակ նիստի ժամանակ դեկտեմբերի 8-ին Ռուսաստանը կբարձրացնի առանց Բաղդադի համաձայնության Իրաքի հյուսիսում թուրքական զորախմբի տեղակայման հարցը: Այս մասին ՏԱՍՍ-ին հայտնել է միջազգային կազմակերպությունում դիվանագիտական աղբյուրը՝ հերքելով այդ հարցով ՄԱԿ-ի ԱԽ առանձին նիստ հրավիրելու մասին տեղեկությունները:
«Հարցը կբարձրացվի փակ խորհրդակցության ժամանակ «այլ հարցեր» բաժնում»,- նշել է դիվանագետը՝ հավելելով, որ խորհրդակցությունների արդյունքում չի նախատեսվում որևէ որոշման ընդունում:
