Արցախում ադրբեջանական կողմից սանձազերծված չորսօրյա պատերազմը շատ բան ցույց տվեց, շատ խնդիրներ ի հայտ եկան, որոնք անհապազ լուծման կարիք ունեն՝ սկսած մեր բանակի թերզինվածությունից մինչև պաշտոնյաների անգործություն։ «Մենք ենք տերը մեր երկրի» նախաձեռնությունը ապրիլի 22-ին նախատեսում է բողքի երթ անցկացնել դեպի Բաղրամյան 26՝ նախագահական նստավայր։

Նախաձեռնությունը Սերժ Սարգսյանից պահանջում է աշխատանքից հեռացնել ԱԳՆ Էդուարդ Նալբանդյանին և ՊՆ Գլխավոր Շտաբի պետ Յուրի Խաչատուրովին, ԴԱՀԿ պետ Միհրան Պողոսյանին։ Նրանք նաև պահանջում են օլիգարխներից պետբյուջե վճարել 5 մլն ԱՄՆ դոլար, որի շնորհիվ հնարավոր կլինի բանակի սպառազինությունն ապահովել։