Լոնդոնի «Արսենալը» ցանկանում է ձեռք բերել Դորտմունդի «Բորուսիայի» կիսապաշտպան Հենրիխ Մխիթարյանին:

Ինչպես տեղեկացնում է Daily Star-ը, լոնդոնյան ակումբը հայ կիսապաշտպանին դիտարկում է որպես Ալեքսիս Սանչեսին փոխարինող:

Մխիթարյանին ձեռք բերելու համար լոնդոնցիները պատրաստ են վճարել 23 միլիոն ֆունտ ստերլինգ, իսկ ֆուտբոլիստին առաջարկել տարեկան 8 միլիոն ֆունտ աշխատավարձ:

Եթե Մխիթարյանն ընդունի առաջարկը, ապա կդառնա «Արսենալի» ամենաբարձր վարձատրվող ֆուտբոլիստը:

Հիշեցնենք, որ օրերս տեղեկություններ տարածվեցին, որ Մխիթարյանը հրաժարվել է դորտմունդցիների հետ պայմանագիրը երկարաձգելուց: