Ֆուտբոլի Եվրոպայի առաջնության խաղերին հայ ֆուտբոլասերները կարող են հետեւել Առաջին ալիքի եթերում: «Եվրո-2016»-ի պաշտոնական հեռարձակող Հանրային հեռուստաընկերությունը բոլոր ֆուտբոլասերներին հնարավորություն կընձեռի հետեւելու Եվրոպայի առաջնության բոլոր 51 հանդիպումներին: Այս մասին տեղեկացրին Հանրային հ/ը-ի հասարակայնության հետ կապերի բաժնից:
Տարվա գլխավոր ֆուտբոլային իրադարձության հանդիպումները կմեկնաբանեն Առաջին ալիքի մեկնաբաններ Կարեն Գիլոյանը, Սլավա Սարգսյանը, Ռոբերտ Գասպարյանը, ինչպես նաեւ մեկնաբաններ Էդուարդ Քալանթարյանը, Խաչիկ Չախոյանը, Վահան Ղարիբյանը եւ Սուրեն Բաղդասարյանը:
Ֆուտբոլի Եվրոպայի 15-րդ առաջնությունը կանցկացվի Ֆրանսիայում հունիսի 10- հուլիսի 10-ը: Ֆրանսիական մարզադաշտերը կհյուրընկալեն 24 հավաքականի:
