«Մանչեսթեր Յունայթեդ»-ի գլխավոր մարզիչ Ժոզե Մոուրինյուն անդրադարձել է Անգլիայի առաջնության մրցաշարային աղյուսակին և նշել, որ առաջատար «Չելսի»-ին շրջանցելը շատ բարդ կլինի:
«Պետք է անկեղծ լինել և ասել, որ այս մրցաշրջանում ԱՊԼ-ի չեմպիոնի տիտղոսի համար «Չելսի»-ի հետ պայքարելը բարդ կլինի: Խոսքը ոչ միայն միավորների տարբերությունն է, այլև խաղի փիլիսոփայությունը: Նրանք մեկ գոլ են խփում ու հաղթում: Շատ են պաշտպանվում և դա հիանալի են անում: Նրանց համար միևնույն է, թե ինչ են իրենց մասին մտածում և ասում: «Չելսի»-ն ձգտում է միշտ հաղթել: Դրա համար էլ պատճառ չեմ տեսնում, որով պայմանավորված՝ նրանք միավոր կորցնեն»,- Մոուրինյուի խոսքը մեջբերում է The Telegraph-ը:
