«Ծառուկյան» դաշինք»-ի ներկայացուցիչները ՀՀ Կենտրոնական ընտրական հանձնաժողով ներկայացրին իրենց փաստաթղթերը:
Նրանք ԿԸՀ եկան ԲՀԿ աշխատակազմի ղեկավար Ռուբեն Մանուկյանի գլխավորությամբ:
Դաշինքի առաջին տասնյակում ընդգրկված անձինք են՝ Գագիկ Ծառուկյան, Իշխան Զաքարյան, Նաիրա Զոհրաբյան, Վարդան Բոստանջյան, Միքայել Մելքումյան, Արարատ Զուրաբյան, Տիգրան Ուրիխանյան, Իվետա Տոնոյան, Արգամ Աբրահամյան եւ Վարդեւան Գրիգորյան:
Րոպեներ առաջ ԿԸՀ ներկայացավ «Ազատ դեմոկրատներ» կուսակցությունը, որտեղ ցուցակում ընդգրկված «Էլեկտրիկ Երեւան»
խմբակցության անդամ Վաղինակ Շուշանյանը, ով ԿԸՀ էր ներկայացել ծաղկեփնջով:
Հայաստանի Հանրապետական կուսակցության ներկայացուցիչները կոնյակով եւ քաղրավենիքի տոպրակներով էին եկել ԿԸՀ՝ ներկայացնելու իրենց փաստաթղթերը:
ՀՀԿ ներկայացուցիչ Սեյրան Յուզբաշյանը հրաժարվեց զրուցել ԿԸՀ նախասրահում հավաքված լրագրողների հետ եւ փաստաթղթերը բարձրացրին վեր:
