Ֆրանսիացի ընտրողների քառորդ մասը ձեռնպահ կմնա նախագահական ընտրությունների երկրորդ փուլում քվեարկելուց, քանի որ համակրանք չի տածում երկու թեկնածուների՝ «Ազգային ճակատ» ծայրահեղ աջ կուսակցության առաջնորդ Մարին լե Պենի եւ կենտրոնամետ Էմանուել Մակրոնի նկատմամբ:

Այդ մասին վկայում են Odoxa ընկերության հարցման տվյալները:

Ուսումնասիրության մեջ նշվում է, որ ընտրությունները մտադիր է անտեսել հիմնականում ձախ կողմնորոշում ունեցող քաղաքական գործիչների ընտրազանգվածը, որոնք պարտություն են կրել առաջին փուլում:

Odoxa-ի տվյալներով, ընտրությունների երկրորդ փուլին ընտրողների մասնակցության կանխատեսվող տոկոսն ամենացածրերից մեկը կդառնա Հինգերորդ հանրապետության ողջ պատմության ընթացքում:

Ընկերությունն առցանց-հարցումը մայիսի 4-ին անցկացրել է ընտրելու իրավունք ունեցող 998 քաղաքացիների շրջանում, հաղորդել է ՌԻԱ Նովոստին:

Լուսանկարը' Reuters