«Շանթ» հեռուստաընկերության օպերատորի վիճակն այժմ կայուն է. չի բացառվում, որ առաջիկայում օպերատոր Դավիթ Արայիկի Աթոյանը տեղափոխվի Երեւան:
Արցախի պաշտպանության բանակը ճշտում է մայիսի 11-ին ՊԲ հյուսիսային ուղղությամբ տեղակայված մարտական դիրքերի միջտարածությունում ադրբեջանական գնդակից «Շանթ» հեռուստաընկերության օպերատորի վիրավորվելու հետ կապված մանրամասները:
Արցախի ՊՆ մամուլի խոսնակ Սենոր Հասրաթյանն էլ հաղորդագրություն է տարածել, որում մասնավորապես ասվում է.
«Մայիսի 10-ին ժ. 18.00-ի սահմաններում ՊԲ հյուսիսային ուղղությամբ տեղակայված մարտական դիրքերի միջտարածությունում, հակառակորդի կողմից արձակված կրակոցներից, հրազենային վիրավորում է ստացել նկարահանման նպատակով դիրքեր գործուղված «ՇԱՆԹ» հեռուստաընկերության օպերատոր Դավիթ Արայիկի Աթոյանը:
Վիրավորին տեղափոխել են հոսպիտալ և ցուցաբերել առաջին վիրաբուժական օգնություն:
Դեպքի հետ կապված մանրամասները ճշտվում են»:
Հիշեցնենք, որ մայիսի 10-ին ժամը 18.00-ի սահմաններում ՊԲ հյուսիսային ուղղությամբ տեղակայված մարտական դիրքերի միջտարածությունում, հակառակորդի կողմից արձակված կրակոցներից, հրազենային վիրավորում է ստացել նկարահանման նպատակով դիրքեր գործուղված «Շանթ» հեռուստաընկերության օպերատոր Դավիթ Արայիկի Աթոյանը:
Վիրավորին տեղափոխել են հոսպիտալ և ցուցաբերել առաջին վիրաբուժական օգնություն:
