Հայաստանի Հանրապետության կառավարության կայքում տեղադրված է աշխատակազմին սպասարկող ծառայողական ավտոմեքենաների ցանկը:
Ըստ տեղեկատվության՝ ՀՀ վարչապետին սպասարկում է ԲՄՎ 750Li.xDrive ավտոմեքենա՝ 2011 թվականի թողարկման:
Սակայն, ըստ մեր տեղեկությունների, վարչապետը գրեթե չի օգտվում այդ ծառայողական մեքենայից, նա շրջում է իր անձնական ավտոմեքենայով:
ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանի համար հատկացված սպասարկող մեքենան Տոյոտա LC 200 է՝ 2012 թվականի արտադրության:
ՀՀ կառավարության աշխատակազմի արդեն նախկին ղեկավար-նախարարին՝ Դավիթ Հարությունյանին սպասարկել է ԲՄՎ 523 ավտոմեքենա՝ նույնպես 2011 թվականի արտադրության:
ՀՀ վարչապետի մամուլի քարտուղարին սպասարկում է Հյունդայի Էլանտրա ավտոմեքենա՝ 2011 թվականի արտադրության: Նշենք, որ օրեր առաջ այդ պաշտոնում նշանակվեց Արամ Արարատյանը։
Հավելենք, որ կառավարության աշխաատակազմի համար նախատեսված է 12 ծառայողական մեքենա, կառավարության աշխատակազմի կառուցվածքային ստորաբաժանումների ղեկավարների համար 14 ծառայողական մեքենա, հեթապահ ավտոմեքենաների թիվը 10-ն է, իսկ կառավարության աշխատակազմի տրանսպորտի միջոցներից պայմանագրային և անհատույց օգտագործման հանձնված ծառայողական ավտոմեքենաների թիվը 5-ը:
Ընդհանուր թվով՝ կառավարության համար հատկացված է թվով 42 ավտոմեքենա:
