![](http://mediamall.am/timthumb.php?src=upload/177601.png&w=300&h=200&mt=1508170325)
Այսօր՝ հոկտեմբերի 16-ին, խոշոր ավտովթար է տեղի ուենցել Արարատի մարզում: Ժամը 16:15-ի սահմաններում Երևան քաղաքի Բաղրամյան 62 շենքի բնակիչ, 25-ամյա Մինաս Մինասյանը Երևան –Երասխ ավտոճանապարհի 11-րդ կմ հատվածում՝ Մասիսի վարչական տարածքում, իր վարած BMW X6 մակնիշի 34 ԼQ 183 համարանիշի ավտոմեքենայով դեպի Երասխ ընթանալիս՝ դուրս է եկել ճանապարհի երթևեկելի գոտուց, բախվել էլեկտրասյանը, տապալել այն և մոտ 30 մետր առաջ ընթանալով, մի քանի պտույտ գլխիվայր շրջվելով՝ հայտնվել է դաշտում:
Ինչպես հայտնում է աղբյուրը, վթարի հետևանքով վարորդ Մ. Մինասյանը քաղաքացիների օգնությամբ դուրս է բերվել ավտոմեքենայից և տեղափոխվել Էրեբունի բժշկական կենտրոն: Հարվածի հետևանքով ավտոմեքենան վերածվել է մետաղե ջարդոնի, իսկ աջ կողմի առջևի և հետևի անվահեծանները կոտրվել են:
Հետաքննիչի հանձնարարականով ավտոմեքենան տեղափոխվում է Ոստիկանության Մասիսի բաժնի պահպանվող հատուկ տարածք:
Նյութի աղբյուր՝ shamshyan.com
![](http://lurer.com/disc/16-10-17/e6f8372c7fd26e8da702b8f68101f3bc.jpg)
![](http://lurer.com/disc/16-10-17/d4e1e3b5bc7db9ffb0ec78cad0d55bd2.jpg)
![](http://lurer.com/disc/16-10-17/f1804b0557762690e746ab0a24162eee.jpg)